已經兩個幾星期冇寫blog.. 上次寫blog仲係2006, 依家已經到左2007, 仲過左一個星期了~ 並唔係好似翠兒所講我掛住拍拖! 我仲係單身的!! 只係掛住玩同掛住病, 冇咩興致寫blog o者.
點樣過聖誕? 就同我平時大部份長假期一樣, 都係病左. 所以基本上係到左26號去我阿哥屋企開party我才真正開始玩. 今次個party我收獲好大呀, 細家姐送左兩件風褸比我, 我阿哥就送左個Nokia 5300電話比我!!! 另外大抽獎我雖然抽唔中夢想中既NDS lite, 但係卻抽中左部Panasonic Lumix FX3 DC! 結果我即晚賣左比我三家姐, 對現去買NDS, 哈哈. 28號晚NDS就終於到我手了!! 屋企開完party之後我仲去左同事Jantry屋企, 一班同事去左佢度打邊爐, 我後尾加入同佢地玩大富翁同埋食蛋糕. Jantry隻狗狗mic mic好得意呀~
29號farewell Jantry夜晚同班同事去左唱k. 唱完k仲去左間cafe飲野, 又打左陣nds. 哈, 開始左我nds既生活..
到31號晚, 同上年一樣去左ari屋企開party倒數. 不過今次好少人, 得ari, yin, simon, angie同我5個人. d野食都食唔哂. 玩左好多遊戲, pictionary, 妙探尋兇, karaoke, 仲有同simon部nds連線對打ouendan同mario bros mini games. 仲一齊影相砌左個2007字. 雖然人少d, 但都好好玩. 多謝ari同阿yin. 仲有禮物抽, 我抽中左條burberry的手巾, 不過我都唔知幾時會用.
2007年開工頭一個星期都忙到想死, 加上我nds中毒, 晚晚打機打到兩三點先訓. 簡直好似死屍一樣, 同事都話我面青口唇白.
剛過去的星期六晚, 同d同事一行10人去左ryan做野既北潭涌郊野公園度燒野食. 當晚開始轉涼, 聞說市區得10度, 我都唔知我地在郊外有幾多度. 好在ryan預備比我地燒野食既地方係佢地office出面, 閒人免進, 又唔大風, 仲有office內有廁所,有水,有電視, 我們才可以玩到零晨3點. 再加上dickson同maisie有渣車, 最後仲送我地出到旺角, 真係唔該哂. 原本當晚諗住睇星的, 不過一來太凍而且冇咩好地方, 二來當我地燒完野食, 天上多了好多雲, 所以睇唔到.
呀, 呢兩個星期我同嘉儀睇左兩套戲, 傷城同埋滿城盡帶黃金甲. 雖然好多人話傷城好睇d, 黃金甲得個靚字, 但係我可能鍾意睇黃金甲多d, 幾精彩, 鞏莉真係好好戲, 好勁, 周潤發亦都好勁. 係周杰倫唔係好夠型. 仲有最大問題係好多時比好多個胸分散了我的注意力.. 大部份時間睇住女演員個身體多過睇佢地塊面... 呀! 嘉儀送比我既禮物好正, 係條agnis b 既電話繩, 襯落我個黑色nds簡直係一流. 不過太短.. 扣上手打唔到機.. 哈哈..
最後, 我家的鼠bb.. 好多人問佢地點.. 佢地快高長大.. 依家身型已經係出世時既一倍..有多..已經唔係bb了..... 要照顧6隻鼠鼠.. 真係幾麻煩架原來~~

終於生左了, 4隻!!! 4隻!!!!!

今朝早見大肚婆唔係好郁, 我都有一瞬諗過會唔會就生, 又見佢個肚好鬼大, 所以今朝出門口前我同佢影左張相.

今日放工返到屋企已經生左了!!! 4隻!!! 4隻都唔同色....~~~

做得好呀chaiyum!!! 做得好呀bududu!!!!

好得意呀~~~~~

呢幾個星期發生左幾件事
首先, 早幾個月聽講過我表哥個仔踩單車踩到入左港隊. 本來都冇咩野, 當時既感覺係, 佢讀書唔叻, 結果向運動發展, 都好替佢高興, 好過我屋企大家姐個仔, 書又唔讀, 又唔知自己做咩. 點知原來佢唔單止入左港隊, 仲為港爭光, 拎到香港隊在多哈亞運既第6面金牌, 創左香港歷史. 聽到呢個消息, 再上網睇返新聞d相, 真係為佢開心到有d想喊.

第二件事, 係我屋企既鼠鼠, 我o係3個星期之前發現佢個肚好大, 我估佢可能有左bb~ 過左3個星期既今天, 佢個肚更加大~ 睇書講, 天竺鼠既懷孕期大約係六十幾七十日, 依家應該起碼懷左30日以上. 即係可能1月左右, or更早就會生. 過去兩星期, 我不斷比d補品比佢食, vit-c, 麥片, alfafa草, 不過佢都唔係好食. 唔.. 希望佢順利生幾隻可愛既bb喇

第三件事, 就係julia突然返左來香港. 佢返來探佢入左醫院既麻麻. 第一次親手收到julia比我既聖誕禮物, 係一件褸, 不過好厚, 唔知幾時先有機會著. 我亦第一次親手送聖誕禮物比佢, 送左條頸鏈. 臨近聖誕, 同佢去左一次尖沙咀睇燈飾, 同埋同佢去左蘭桂坊及中環的那個咩野聖誕繽紛城. 我覺得, 有朋自遠方來, 還可以一起去睇燈飾, 才是我最好的禮物哦. 佢差唔多廿年冇o係冬天返過香港, 雖然佢十幾號就走左, 都希望佢喜歡香港既聖誕喇(不過我估佢喜歡在香港shopping多d...)

其實仲醞釀緊一d大事, 不過唔方便講出來. post多張keroro robots相:

近這幾星期, 看了很多show.
10月26日, 看了灣仔劇團的"一夜歌再續一夜情"的Cabaret表演.
10月27日, 看了何韻詩的紅館演唱會
11月3日, 看了新視野藝術節的"蒙古新音"
11月18日, 看了香港舞蹈團二十五年週年的"笑傲江湖"
11月21日, 看了麥當勞世界兒童日音樂會
11月24日, 看了詹瑞文及葉詠詩及小交響樂團的"棟篤交響Show"
12月2日, 看了林澤群黃龍斌異人實現劇場的"二人前,二人後"重演
原本12月1日去睇香港管弦樂團的"港樂.星夜.交響曲", 但最後趕唔切冇去到.
當中以最細規模的異人實現劇場的"二人前,二人後"最為印象深刻. 原本在"一夜歌再續一夜情"已看過黃龍斌Tony的歌舞及戲劇演出, 但在"二人前,二人後",他除了演出外, 還是編劇及導演. 而且很好看. 真的佩服.
真羨慕能夠演出的每一個人, 更妒忌他們的才華. 如果我後生的時候接觸多一點不同的演出, 早些發現自己對演出有那麼大的憧憬, 人生可能很不同, 起碼不會像現在一個一事無成的肥佬.

今個星期食左好多蛋糕西餅. 唔計上星期妹子結婚既蛋糕西餅, 上星期二同beverly同wailam去fat angelos食lunch食左個tiramisu, 星期四食yvonne請食既結婚西餅, 星期五朝早又再食剩了的西餅, 下晝再食原本星期三既阿bay個生日蛋糕. 星期六又食yvonne既結婚餅.
到星期日, 我整餅~
好耐冇用個焗爐. 同事kennis生日, 我講左整餅返公司食好耐, 於是阿jill便叫我整個blueberry cheesecake返去請佢食. 不過由於下雨, 我唔想出去買材料, 所以本來決定唔整, 但臨訓前(11點幾), 上leisure-cat發現一個"芝士蛋糕"的食譜, 我屋企現成既材料都夠整, 所以就決定試下.
由於已經好夜, 整得好趕, 整完放入焗爐走去沖涼, 出來發覺個餅已經有點濃.. 放涼左, 再放入雪櫃, 已經係點幾兩點. -_-|||
今朝返到公司, 原來阿jill亦都買左個蛋糕返來. 結果朝早又食左兩個蛋糕. 我個蛋糕除左燶左d, 都幾好味, 我老細joanne同隔離team老細angie都讚好味, 好彩..
仲未完. 下晝又食左wendy既生日蛋糕.. 佢今日正日. Happy Birthday!!
其實回來.. 幾個星期之前已經開始不斷食蛋糕.. 預計之後都應該仲有好多蛋糕食...

昨天是我同事Yvonne結婚的日子, 她沒有擺酒, 只是在下午三點在銅鑼灣Eden搵律師註冊行禮, 再加上有少少自助tea食. 由於佢搵左阿joyce化妝, 所以我早少少到去睇下而冇同其他同事約埋去.  其實咁樣搞對賓客來就都幾方便, 起碼唔駛食到夜晚12點.. 依家d人結婚搞到好似個show咁..
原本夜晚約ari同阿賢食飯慶功, 點知joyce突然話有兩張"笑傲江湖"既飛問我去唔去. 緊係去... 其實我冇乜點留意呢套劇, 隱約記得好似見過海報, 但見到係2R就冇研究落去, 我都唔知原來係香港舞蹈團廿五週年的大製作. 由於之前joyce幫過香港舞蹈團化妝, 所以今次d飛係裡面既人比佢而唔駛錢的.
套野整睇來說幾好睇, 可能因為個故事耳熟能詳, 可以留心d睇佢舞蹈既編排, 點樣用舞, 燈光, 音樂歌詞, 在短短兩個小時去表達個故事. 最好睇係那幾段群舞, 自己本身都偏好睇群舞, 但今似的群舞編排幾特別, 而且人多(以前睇香港舞蹈團既表演成日覺得佢地唔夠人用.. 可能因為今次大製作, 多錢請人..) 印象特別深既係有一幕扇舞, 齊到不得了. 同埋一幕打東方不敗有紅絲帶的一幕. 反而各舞者solo的部份冇咩特別印象深的, 係任我行(陳俊)狂一般的跳躍, 以及劉正風(陳海勁)的舞. 其他人solo會覺得佢地d武功打得好好睇, 多於佢地跳舞有幾勁. 另外, 東方不敗的女性化舞蹈亦很好睇. 另外好好睇既一幕就係"自宮"的一幕.  林平之(米濤!!!)同岳不群(黃磊)除剩一塊布包住下體跳舞, Joyce 話如果ari結婚前來睇, 見到米濤差唔多全裸既身體, 可能婚都唔結~~
d歌一般好聽, 反而覺得d歌詞同編曲幾好. 但2R既演唱真係被其他人比了下來, 特別係家姐.. 好難聽..
不過個show的服裝就麻麻. 而且好亂. 起初令孤沖(劉迎宏)係著藍色衫, 林平之係著橙色衫, 後來林平之自宮後著了藍衫, 令孤沖就著左見近橙色的衫, 台下的觀眾一定都有d亂. 岳不群等爭天下第一的人就著到好似乞丐咁, 爛身爛世. 而其他衫亦都好似電視曾出現的一般, 冇咩特別.
完場時joyce逼我買左隻soundtrack同埋香港舞蹈團2007年年曆... 因為年曆內的相, 是佢化妝的.  但.. d 相全部都係黑白的.. 仲有部份睇唔到舞者塊面...

 

另. 新的keroro模型, keroro robot, kururu robot, 同giroro robot, 好好玩, 好抵玩, 好型呀~~ $35一隻, 抵到爆~~

過去個多月, 用了很多精力和時間去做一件事的準備- ari同阿賢的婚禮.  從來沒有為一個朋友的婚禮獻出咁多努力, 我相信亦冇乜邊對新人既婚禮會好似佢地兩個既婚禮咁, 有咁多親友幫手. 雖然我某程度是為左貪玩, 但如果不是愛他們倆人, 是沒有可能做咁多野的. 受到咁多人既祝福, 希望佢地開心吧, 真心的祝福我既好妹子, 同埋佢既老公, 永遠幸福快樂.
他們11月11日接新娘,飲茶,拜天地等等, 到11月12日晚在大舞台行禮同擺酒. 我要負責在11號做佢地既video拍攝, 我亦負責整12號晚婚宴播既video, 我地隊band在婚宴玩兩首歌, 另外我亦會跳及唱一首歌.. 這一切的準備都由大約兩個月前開始.. 
首先夾band在幾個月前已經開始練兩首歌, nana的glamorous sky同埋endless story. 途中Bass手amy退出, 一時之間唔知點算, 後來加入了在starmakeup認識的化妝師阿偉做結他手, 我同佢雙結他彈glamorous sky, alice主唱, 阿賢用keyboard彈bass, ari打鼓. 而endless story我就轉彈bass, 阿偉彈結他, ari主唱, 阿賢彈琴, 再加入joyce彈keyboard strings. 由於我從來冇彈過bass, 可以話係由零開始. 幾個月前的隔兩星期練習, 到一個月前開始每星期既練習, 到最後兩個星期兩首歌才開始成型.
另外係跳舞唱歌. 我地5個人跳, 包括我, 阿科, alice, angie, 同埋ari的同事simon. 由我又跳又唱改編自氣志團的"結婚闘魂行進曲「マブダチ」", 由我同alice填上中文歌詞. 個多月前開始排舞, 又要記舞步, 又要記歌詞, 同埋要想辦法練到夠氣唱成首.. 可以說是我一大挑戰..
另外一件大野, 就係整video. 我幫佢地整一個播相的video. 因為想與別不同, 所以我放棄使用"會聲會影"那些專門整slideshow的program. 而用swish+flash再加d photoshop retouching去整, 結果足足整左兩整天, 原本仲整左另一個version加左d animated既蝴蝶上去, 但點知convert file時出現問題, 搞來搞去都搞唔掂. 不過冇左animation既video既效果其實我自己已經幾滿意. 原本仲有另一段video, 係cut一d平時既準備既片段, 為左呢段video, 我跟左佢地去拍攝佢地影婚紗相, 還將一d平時夾band排舞的情形錄影了. 但最後因時間關係, 並沒有整到呢段片.
最忙既係正式前幾日. ari為我地5個跳舞既整左件仿氣志團既舞衣, 但卻要自己釘衫鈕.. 另外亦為左個造型而煩惱, 到11號晚先去買個爆炸頭假髮同埋買左個假鬚剪開來做假髮鬢.., 然後就是不斷的練結他, 練bass, 排舞.. 到了12號兩點幾出門口才最麻煩.. 拎住一支bass, 一支結他, 再拎埋d effector, tuner, jet線, 舞衣, 假髮, dvd-cam, 火牛, 碟.. 拎住咁多野仲要搭車去上環大舞臺... 都唔知搭咩野車好...
三點幾去到大舞臺, manson band負責set amp同埋鼓, 我同阿賢去搬電子琴同keyboard, 再要set audio, set 電腦, 試instruments, 夾video, audio, 燈光. 仲要去化妝(我化左個kiss妝, 星星眼!) 到正式時已經腦海一片空白, 唔記得哂d譜同歌詞...
當晚mc係angie同埋vincent. 一開始首先播dvd, 反應唔係好大, 不過都預左, d相全部都係ari同阿賢的相, 只係有少少halloween相逼於無奈有我同alice同joyce.. 通常婚宴d賓客最大反應就係見到自己既相.. 我之前已經同ari講左, 不過佢冇理我喇... 之後阿賢自彈自唱左一首童話, 然後就到我地隊band玩endless story. 雖然我放左份bass譜上台, 但諗住扮型唔望譜, 結果彈錯哂~~ 之後上乳豬, 我就走去播billy jeans(billy豬..), 然後就到manson既band玩左兩首一般人覺得好嘈既歌. 我見到有d老人家在掩住隻耳仔, 加上屍輝刺耳既叫聲, 真係唔係個個接受到.
小休後ari自彈自唱"長い間", 我地dance group就入後台排舞. 之後敬酒, 我又走返出來播"黃河".. 之後到ari爸爸拉小提琴, 同埋大姨同另一個人唱歌. 小休後又到ari同angie跳舞, 跳蔡妍的"兩個人", 我又要播music. 之後到manson band再玩兩首慢d既歌, 包括beyond的喜歡你, 不過佢地首喜歡你玩得幾難聽, 佢地都係玩metal襯d.
然後到我地隊band玩glamorous sky. 我彈左開頭就突然甩線結他冇聲, 之後彈solo時發覺個台太暗我睇唔清支結他既位(新結他, 好型地支結他頸度冇marking..) 結果靠感覺, 我自己都唔知自己彈左d乜. 之後急急腳入後台換舞衣戴假髮. 出去跳舞唱歌. 反應好好, 可能因為係中文詞, 擺明為ari同阿賢而填, 大家都有feel d, 再加上我地既造型, 新人出來一齊跳時賓客既反應超正~
跳完唱完, 仲有好多人搵我地影相, 非常之開心.
忙完一晚. 執野執到12點幾先離開.
返到屋企睇片... 發覺竟然冇影到endless story同glamorous sky既solo那part... 真係.. 灰~~

仲有, 當晚ari轉左好多造型, 化妝師joyce說, 轉妝仲多過人地做紅館. 我冇影相, 冇時間影相, 要慢慢收集別人影既相post出來

完成了呢件事, 突然覺得好空虛..

又過了兩個星期.
過去兩個星期在公司大部份時間都係set下機, 執下野. 認真工佢既時間唔多.
臨近中秋前, 去左幾次玩具街. 今年其中一件好得意既product, 叫做軍曹發光球. 我自己買左兩粒, 再幫我家姐買左夾夾埋埋十粒. 個波波分兩層, 內層係懸浮的, 個波轉既時間內層既波唔會轉, 轆起上來好得意. 另外大力打佢仲會著光. 17蚊一粒. 後來我仲見到有唔係keroro的, 10蚊粒. 我拎比我家姐之前拎左返公司, 結果同同事搵左張空枱來玩snooker, 拎左d cable膠條來做cue棍, 擦膠扮chalk粉. 又好笑又好玩. 我仲有一球拎兩支膠帶, 一支扮rests, 打薄cut慢溜尾袋入左, 超開心.

中秋節正日早放工返左屋企, 之後都冇出去玩. 原本阿bay話去維園的, 不過o係屋企等下等下冇乜mood去. 反而星期六就多野玩, 我去左唱lunch k, 之後在同一間karaoke同唔同既人唱tea k. 原來唔知幾時, neway有返以前v-mix既beMax歌唱, 日文歌有135x頁, 即係計落有一萬三千幾首歌. 勁開心. 不過揀歌揀死, 佢冇歌書, 但人名揀歌係唔齊的, 例如Psycho le cemu的激愛メリーゴ―ランド在歌手度搵唔到, 但係在歌名度就搵到. 我搵北斗之拳既愛をとりもどせ！總共可能按左一千下個remote.  終於又有得唱X-Japan既Forever Love, BeMax Medley. 仲有Dir en grey的予感, 仲有大量既Amuro~ 死, 我怕我會狂去唱K... 回復到好似以前咁.
星期六晚去左睇大坑火龍. 在香港生活左就快三十年都冇去睇過. 好多人, 好逼. 我地逼到死睇完一次, 見d人散左, 於是霸個好d既位睇多次. 到10點幾先去食晚飯. 唔係十分好睇, 不過都值得一睇既. 我仲拎左支火龍既香返屋企點添.

星期日晚, 姐夫拎左d煙花返來玩. 雖然只係o係後樓梯玩, 不過都好開心. 之後玩螢光棒等等. 中秋節都係一大班細路好玩d, 我只係在旁睇已經覺得好開心.

大家樂買滿18蚊, 加20蚊, 可以換Qoo中秋果物公仔燈籠一個及Qoo 345ml果汁一支
總共有3款, 包括綠柚柚, 蜜蜜柿 及 星星桃. 有兩個型態, 接Qoo的身體仲會閃燈添!~!

多得大家樂姐姐的幫忙, 我一次過換哂3隻, 呵呵呵~

呀~~~~~~~~~~~~ 倦死!!
好倦的一個星期, 公司原本係9月30日搬office, 點知突然提早左一個星期, 9月23日就搬. 提早唔係問題, 但可唔可以提早d通知. 搞到我得返兩個多星期準備, 要搵人鋪network, 仲要問人借hubs借switch, 仲要拉光纖, 仲要入粉嶺搬rack, 另外仲要搞d account, ip等等, 少左一個星期, 就少左好多時間. networking o個邊又同裝修d人反面, 差d工都冇得開, 搞到我差唔多日日都要去睇場. 仲要執野, 又要幫d電腦白痴同事搞backup. 大老細又話要換機. 又要去WR組開會. 開會唔係問題, 唔好o係我地最忙既時候開, 同埋唔好要我地去西環咁遠開會得唔得.. 老細joanne又幾日都唔o係公司, 結果開會前一日我要OT!  星期六仲要出merc. 根本係做死人 (好在出merc個contractor有個靚女新helper, 不過就搞到我忽忽地, 成日不斷講錯野.. 回收金屬我叫人放d"金"落去個回收箱.. 筆插同書夾我就講左書插同筆夾...)
星期日, 照例係最難過既一日, 今日仲特別仆街.. 全日幫我阿婆執左一次屎, 抹左兩次尿, 換左3條褲, 一張床單, 一張被, 破哂平時既紀錄! 夜晚煮飯又比屋企人跣, 原本話3家人返來食, 最後得返兩家, 電話都冇個, 浪費哂我d時間同埋d送!
不過過去既一星期都有d好野既, 首先係食o個方面, 去左深圳既中森名菜同埋觀塘既大盛り. 中森名菜係全亞洲最大既日本料理, 真係好大, 大度嚇左一跳. 連本menu都超大. 野食既選擇好多, 睇都睇唔哂, 由好平既, 到超貴食唔起既都有. 味道都ok, 不過如果有機會一大班人去揀多d野食就會好好多. 原本上深圳係想買結他的, 早前睇中雜誌一支Cort既結他, 同我之前愛上既Epiphone Gothic有著差唔多既特點. 不過香港搵唔到有得賣於是上大陸搵. 但係都係失望而回. 大盛り其實之前同kayee o係新浦崗都食過, 不過好耐冇食lu, 今次食左好多壽司(因為kayee唔食魚, 所以上次好似冇叫過壽司), 個三文魚同埋帶子一流, 又大件. 好開心好滿足~  唉, 原本今個星期仲有一日係諗住去食板前的, 不過等左個幾鐘, 最後在總統商場掛住睇兩隻好靚既鼠鼠, 結果過左冇得食... 之後去左sogo同銅鑼灣廣場之間既一間叫"御家"既迴轉壽司, 個餐牌同板前好似, 不過d野食就完全唔掂!! 係我人生中食過最難食既一間日本野!! 話說回來.. 一個星期食3次日本野.. 我係咪傻左. 呀! 其實仲有一日食左吉野家.. 即係食左4次日本野..

另一樣好野就係星期一同左ECC既新舊同事去左唱k. 對上一次同佢地唱k已經係好耐之前既事, 佢地個個都好唱得, 同佢地唱k其實係一件樂事. 今次多左新同事 Jaz, 估唔到原來佢聽唔少外國band, 估唔到佢竟然鍾Linkin Park, 再估唔到既係揀左首One Step Closer(?), 而我竟然唔識唱!!! 舊同事tsuiyee, maisie 同埋阿suen亦都有來, 阿mo亦都出現左一陣(比份禮物比阿suen) 呀, 仲有dickson. 不過最衰係星期一晚, 唱到11點幾就要走, 唔可以盡慶, 我同ryan本來仲唔想走, 不過我想起第2日仲要去鋪線.. 都係返屋企.. 希望不久既將來可以再玩過.
另一樣好野係, 我終於都將兩隻鼠鼠放埋左一齊了. 因為細鼠鼠已經長大了, 已經唔怕佢比大鼠蝦. 不過暫時我都係只係白天放佢地一齊, 夜晚仲係分開下, 比d時間佢地抖下習慣下. 今日仲幫佢地影左堆新相, 佢地依家肯乖乖地一齊影相了. 嘻!

唉.. 明天又要返工了...

<王力宏香港演唱會>
8月25日星期五晚去左睇王力宏香港演唱會, 真係好睇到極! 佢真係一個天才, 當晚玩左結他, 鼓, 琴, 小提琴, 同埋 二胡. 又唱歌, 又跳hip hop, 倒立都做埋, 最好睇係佢其中一首歌唱唱下拎左個snare來打, 之後行去台既另一邊, 然後d員一人拎一件鼓既組件出來, tom呀, bass drum, high-hat, chacha, 砌返成套鼓出來, 其間王力宏冇停過, 直接drum solo. 其實除了呢一part之外, 其他歌都有員工突然拎部電子琴or結他出來比佢彈一段仔.  最驚喜既係特別嘉賓竟然係張學友!! 真係抵睇到死!  而最好玩就係全場分四part合唱和音4部, 真係笑左出來. 佢台灣個live在香港個live之前個幾星期已經出左, 我一直忍住唔買! 睇完個concert之後即刻勁想買來睇.


<HKCCF2006>
8月25-28日連續4日都要去香港電腦展度企booth, 環保署個booth.  今年已經算係貼題, 因為sell既係舊電腦及CRT回收. 原本我只係去兩日, 但係因為第一日在seminar room度set 機講talk時出現在d問題, 於是leader就要求我日日都去set機. 結果真係倦到死. 最好玩係第2日-26號, 因為當日Star-makeup會o係會場幫IT 代言人化妝, Joyce, Renee, Ari等都會來, 而阿科亦都會來. 結果連Gigi都來埋, 我亦都有入到後台搞事. 最辛苦係最後一天, 除了企足一日之外, 仲要等到最後一刻最平既時候去幫朋友同事買野. 結果6點完場, 買野買到7點幾.. 經過左4日, 自己只係買左一隻BenQ DVD writer, 但拎既贈品就好多, 好似去完旅行咁~


<8月31日>
又有兩個同事走. 一個係我team既SI post out. 一直對佢冇咩好感, 但係我對新post來的si更加冇好感.. 另一個係早一日先知道自己有offer, 第二日, 佢老細都唔係公司, 就馬上辭職走人. 其實之前一路走既人大部份都係呢一team的, 依家佢o個team只係走剩d TA(teamporary assistant), 可想而知呢位老細幾正. 唔知呢個老細放完假返來, 見到自己team一個人都冇, 佢會有咩野反應.
夜晚Joanne晒馬請食飯farewell阿tang. 除了現在team 1既人, zola, 走左好耐既samuel, kristy, 同埋FLERC既人都有請去. 去左銅鑼灣首爾莊食韓燒.  間野d野就幾好食, 寫紙任叫, 都應該比其他乾淨, 但係就夾夾埋埋得25樣野食, 少左d.
食完9點幾上左star-makeup, ari打比我話佢化左個新型像, 我上去影相, 同埋買晚餐比佢地食. 可能因為ari化左淺色既唇, 我覺得佢黑左好多,~~ 結果玩到11點幾先返屋企.

<9月2日>
上次alice生日夾band, 我費事掃慶冇同佢講到amy離隊既事, 後來冇左件事唔記得同佢講. 今日又夾band, 妹子叫左佢同事simon上來睇. Simon係potential 頂我地隊band ari結婚show做guitar手的人, 我轉玩bass. 不過後來聽返妹子講, simon都好似興趣不大. 都唔知點算. 唉.. 講返夾band, 我練左首歌少少既bass, 開始覺得彈bass幾好玩, 腦海內漸漸傾向 "搵過個guitar手, 我彈bass" 既諗法, 而唔係搵過個bass手.. :P

8月9日至9月5日,  足足4個星期冇寫過blog. 這期間好忙, 做左都唔少野. 雖然個blog轉左介面之後開始更冇心機寫blog, 不過都整理下心情寫下喇.

 <泰國之遊>
首先8月11至15日與屋企人去了5天泰國曼谷巴提雅旅行. 泰國, 一個好多人經常去玩, 但係我就一d興趣都冇既國家. 同屋企人去加上一大堆細路, 更加諗唔明點解要去泰國.. 而且我又剛剛去完日本, 泰國真係一d都唔吸引.. 不過由於係我阿哥一年一度請既家族旅行, 所以都係唔好蝕底去埋一份. 去左巴提雅, 一樣水上活動都冇玩, 只係去左個唔靚既沙灘游水, 因為比錢o係呢d旅遊點玩得過一陣實在太唔抵, o係香港book架船玩一整天我覺得會仲開心. 在曼谷更加冇野好玩, 去左行水族館, 動物園, 同埋遊樂場!! 返到來香港d朋友都話 "乜泰國有d咁既野架咩".
比較有趣既地方就係認識左泰國呢個有國王同王后既國家. 依家已經唔係好記得, 話說全球只有廿幾個國家仲有國王王后. 而呢個泰王已經做左60年, 今年11月定12月就係60年紀念, 而佢在位其間泰國亦比以前更好, 所以泰國人民都好尊敬佢. 佢地逢星期一都會著黃色既衫, 就算工作上唔著得, 都會戴住一條黃色既手帶. 而我地去既時候剛好係王后唔知幾多歲既生日, 亦即係泰國人當中既母親節既日子, 隨左度度都減價之外, 我地仲見到有慶祝活動, 仲有放煙花添, 不過當時我地正搭緊車, 只係見到兩三下, 連影低既時間都冇. 另外一樣嚇我一跳既就係泰國既香煙既包裝, 成半包煙係d好嘔心既照片, 真係見到都反胃.

<Band Reform>
8月15日返到香港一開電話收到一個壞消息. 就係amy決定離開我地既樂隊. 真係晴天霹靂~唉.. 講真真係好唔捨得, 已經係第2次要換bass手! 不過佢有佢既考慮, 其實佢要面對新既生活我亦唔係唔明白, 我亦都好戥佢高興, 但係冇估到在妹子結婚前發生. 我唔敢講比妹子聽, 因為心存一線希望amy會回心轉意, 一係起碼玩埋妹子個婚show先算..當然, amy越早通知我地我地才有時間準備搵人頂替. 結果煩左幾日, 將原本已經成日轉來轉去既band位置再調過, 今次連我都調埋, 呵, 我可能去彈bass了~ 不過都唔知個final line-up會係點既樣.

<Alice 生日>
8月19日, Alice生日, 有幸o係佢正日安排同佢夾band同埋同ba group食晚飯. 搞左成朝搵地方食晚飯, 好緊張, 度度都book唔到位, 又打唔到比alice, 好在最後都決定到去禾之家素食. 先去左夾band, 妹子買左蛋糕上來. 食完就搭去佐敦. 間野d野食就味道就一般, 冇咩野大驚喜, 不過d野都整得幾靚既. 食完禾之家, 妹子同阿賢走先, BA Group一行人就去左Mc Café繼續坐, 我估足足坐左成兩粒幾鐘先走. 仲夾左10蚊影左張McDonalds既 polaroid, 好好玩.

8月9日, 大日子. 係傻妹子Ari 絕版廿幾歲生日!  Happy Birthday~ 上星期五已經同佢食左飯慶祝, 仲請左佢去睇一套唔駛錢又唔好睇既'魔從口入'優先場. 更厲害既係, 我陪左妹子去試褂!! 第一次陪人去試褂, 都幾好玩. o個度個姐姐話, 原來個妹早過個阿哥結婚, 個妹要送條褲比個阿哥的!! 哈, 要咩野褲好呢..
好, 言歸正傳.
8月9日真係大日子. 一大早我突登早左幾個字出門口, 去左7-11買可口可樂, 因為由今日開始買兩樽500ml加$9.5就會有一隻CocaCola Keroro樽蓋. 我諗住買兩套, 一套自己要, 一套拎來賣.
另外, 買4罐喜力加$29.9, 就可以換鐵人兄弟x喜力tee一件, 好靚下的, 不過由於我覺得唔會o岩我著, 所以冇換~
最後, 在7-11買滿$20就會有Winnie the Pooh百變造型磁石貼一個, 暫時全套30款, 幾靚下的!

又有4個同事走左了. 而下個星期再會有3個同事走. 其實入左2006年之後, 大大話話都走左成廿人. 雖然全部都係搵到好d既工才走, 但仍留o係公司既難免會有d寂寞. 今次走既4個同事當中, 其中一個係zola. 應該係過去走既人之中我最唔捨得既其中一人. 同佢同team, 一同相處左20個月, 日日座o係隔離, 食飯, 放工都一起. 佢走左幾日, 間房靜左好多. 不過相信會保持聯絡, 而且其實佢仲係o係環保署做. 同埋.. 都慣lu.
星期一lunch去左R66 farewell 佢地4個. 又係食到飽飽的. 下午派散水餅我幫佢地做機佬. 結果玩左成個下晝. Zola請左我地team食Teresa Festival 的cake, 雖然一件要成$30好貴, 但係真係好好味! 我同zola share左一人半件Bluberry cheesecake同佢地既招牌雙層雲石cheesecake. 後者真係好食到不得了!! 唉.. 真係對唔住ryan, 因為我影相時唔覺意坐左落佢件餅度... 佢只係食左$10左右, 我坐左$20..

----------------------------------------------
昨晚去左睇Pirates of the Caribbean既優先場. 多謝Kristy邀請我去. 好正, 仲要唔駛排隊就咁放我地幾個入去. 去銅鑼灣jp, 上電梯既時候幾想睇下面排早成半個鐘以上來排隊既人揮手.. 呵. 去左睇先醒覺自己其實已經唔記得第一集講咩, 所以個故事唔係好跟得上. 如果準備去睇既人最好溫一溫上集既故事同人物. 套戲好長, 開9:30睇到12:00. 整睇來說幾好睇, 雖然個故事冇咩特別, 但拍得幾精彩. 驚嚇既地方真係幾驚嚇, 好爽. 不過仲有第3集.. 套野到底有幾長.
昨天買左我自己既第一盒食品sample食玩. 不過好唔抵. 因為應該係香港出品來的, 但就寫哂日文字扮日本貨, 仲要賣成29蚊一盒. 不過實在太抵死, 係香港茶餐廳既野食. 我決定只買一盒, 因為呢d國產野分分鐘遲d十蚊一盒. 中左個沙爹牛肉麵早餐. 真好, my favourite! 抽既時候勁驚會中左絲襪奶茶. (因我部canon S2IS壞左拎左去維修, 張相係阿jill部相機影的)

我會同人講我喜歡音樂. 其實我係喜歡唱歌. 起初因為喜歡唱歌而愛上聽歌. 因為要去唱k而聽中文流行曲. 因為想唱得盡d而去愛上日文同英文歌, 因為想自彈自唱而去學結他. 因為學左結他而狂聽英文歌. 因為想唱歌而夾band, 因為想彈結他而夾band. 總之, 我係喜歡唱, 多於音樂本身.
其實我對音樂認識唔多. 近幾年, 可能因為夾band, 開始比以前留意多了音樂本身. 開始識得分咩野叫做好既音樂同唔好既音樂(至少我覺得), 開始知道香港流行曲原來來來去去都係咁既樣. 會覺得d人人聽我又聽, 一首歌對佢地來說係一段既電話鈴聲. o係對香港樂壇開始失去興趣既時候, 呢一兩年突然出現左一埋好似識得唱歌, 識得作曲既新人. 又對香港既樂壇開始有返d希望.
點解無喇喇講埋d咁既野? 冇.. 其實係近來突然好似身邊出現左好多香港獨立音樂既野... 想講下, 但係其實自己又對香港既獨立音樂唔係好熟識, 根本就無咩點留意. 最多只係上年去下d band show, 但係又唔係好狂熱o個隻.
話說6月頭, 收到以前同事Regina的ICQ message, 佢話佢隊band出碟.碟名叫做Musica Di Digitalia, 意思就係Digital Music.  一路都知道佢有隊band, 兩個人既band, 叫做Snoblind. 係玩一d我唔聽既電子音樂. 佢地兩條友自家製在自己studio搞mixing. 佢出碟, 雖然自己未必聽, 但結果都走左去zoo records買左佢隻cd支持下. 覺得好神奇, 自己朋友既創作竟然以一隻CD既形式出現在我手上. 一個月前, 行過報攤被一本恭碩良封面既獨立音樂雜誌吸引左. 詳看之下發現封面其中一個highligh: "Snoblind電腦音樂教學"... 嘩~ 出埋專欄教學咁勁~!! 結果我買左呢本雜誌.
上個月, 睇中國既重型音樂雜誌Painkiller, 見到一張相吸引左我注意力. 係一張幾靚既女仔既相, 個subtile嚇死我: "香港秋紅樂隊吉他手Hala" 嘩, 型呀, 女結他手!! 仲要係Metal Band既結他手!! 即刻上網找呢隊band既資料, 勁想睇佢地既live. 點知band show未睇, 原來佢地已經出碟!!! 早幾日睇漫畫"火鳳燎原", 陳某在後語既PS講"聽說香港本地搖滾樂隊'秋紅'快將推出專輯,好期待啊呀"... 有冇紅成咁?! 結果剛過去的星期六, 我真係o係cd鋪見到佢地隻cd! 即刻買左.. 救命, 好勁! 原來香港玩metal都可以出碟的!! 唔知Adversary會唔會有一天出碟呢?!
另外香港有隊band叫高潮, 潮得很. 之前已經知道, 主音係之前o係天下出左一本書之後冇左影既林長棍. 本身唔係好鍾意佢地喇, 個feel 太串, 主音唱歌唔好聽... 但係.. 又係因為女! 佢地出新碟"搖滾戰隊襲地球", 在cd鋪見到個封面多左條女! 好似好索咁! 叫黃立意, 應該本身係個藝人來的.. 結果.. 本住"支持本地樂隊"既藉口, 買左呢隻碟.. 都有一兩首歌幾好聽, 但有d覺得被騙, 因為聽來聽去, 那個女member只係出左幾句聲... 真係唔知佢地出live時那條女到底企o係度有咩野做.
仲有另一隊band叫Monogel. 隊員來自大頭佛, Pullover 同埋Site Access.  又係大約一個月前, 聽收音機聽"組band時間"剛巧聽到佢地既訪問同埋佢地現場玩左幾首歌. 雖然唔多似係我喜歡既曲風, 但都幾好聽. 聞說佢地應該都出左碟. 搵日去Zoo睇下見唔見先.

仲有周國賢既ZARAHN, 亦都非常之期待~
呀... 打到有d眼訓, 都唔知自己講緊咩.. Anyway. 支持下香港樂壇. 希望有朝一日各種音樂大放異彩. 唔好話香港band sound得返黃貫中.

已經差唔多一個月冇寫blog, 唔計上一篇的短短幾句, 已經個多月冇寫blog. 原本冇諗過會唔寫的, 仲好想寫日本之旅, 但係由日本返來之後, 生活好似唔同哂, 首先作病左個幾星期, 日日好似好倦咁, 又肚痾 (個個聽到都話: 你不嬲都肚痾架喇...) 再加上要處理好多積積埋埋既工作及其他煩事, 呢幾個星期唔好話冇寫blog, 連其他人既blog都差唔多完全冇去過..
今個星期六日, 兩日都差唔多全日留o係屋企 (除左星期六出去食lunch既時候唔記得帶鎖匙, 被逼o係出面行左差唔多4粒鐘等個工人返屋企...), 再加上聽日開始老細返成個星期假, 冇咩返工壓力, 於是終於有心機寫下blog.
日本之遊已經係成個月前既事, 依家已經冇咩想寫. 詳情同埋照片可以參閱julia個blog. 不過點都想多謝下julia同我去旅行喇~ 剛巧在我覺得自己需要去下旅行輕鬆下轉換下心境既時候得知julia會返香港同埋會去日本探朋友, 結果我就跟埋去. 好多謝julia日本朋友既熱情款待, 在大阪的Mika同埋佢個仔Tatsuki, 同埋julia既另一個朋友Junko. 特別多謝佢地帶我去書局同埋結他店, 冇佢地我肯定搵唔到. 在大阪最開心既事就係去左BigEcho唱k. 恨左好耐~ 雖然只係唱左1粒鐘, 不過能夠唱到Dir en grey既Mazohyst Of Decadance同埋Children of Bodom既 Needled 24/7 已經好滿足. 我依家個mp3機仲播住我當晚呢兩首歌既錄音~ 哈哈~ 好變態~~

特別要多謝在名古屋既Atsushi同Akiko同埋佢地既bb Haruka, 我同julia在佢地屋企住左兩晚, 真係打搞哂. 仲有佢地帶左我地去好多地方, 一般去旅行既人都去唔到, 例如... 日本既墓地.. 仲有佢地既實家. 好開心可以身處日本既屋, 見到阿信的故事己阿信成日都抹既走廊, 哈~ Atushi既母親仲笑我, 話唔知個走廊有咩咁好影.. o係咁日本既屋裡面叫壽司外賣, 仲有就係o係佢地既庭園玩煙花, 真係好開心. 我好鍾意同佢地一家人影既合照, 好似小丸子一家哦~~ 呀! 仲有在佢地屋企附近既寺院, 有那條日本漫畫主角成日會跑上跑落做訓練既長樓梯, 我還在那裡巧遇真正既相撲手~ 當然仲有佢地帶我地去睇既日本職棒比賽. 全部都係我自己去旅行未必有機會見到的.

短短的6日, 實在係玩唔夠. 去完之後直到今日, 我都仲好掛住日本, 好想好想再去. 原本以為自己已經對日本漸漸失左興趣, 去完先知原來我真係幾鍾意日本的. 對上一次去日本已經差唔多十年前, 當時剛學左日文唔係好耐. 咩都唔識講. 今次去好開心, 同d日本人講日文, 溝通大致上都冇問題, 個個都讚我講得好, 連d sales都驚訝我d日文講得咁好. 好記得Atuski個妹定家姐, 成晚讚左我好多次, 不過亦都比Atuski既朋友(sorry..唔記得個名..)話我d日文好"飛仔".. 哈.. 果然, 呢d就係靠睇漫畫同卡通學日文既後遺症..

終於從6日5夜大阪及名古屋之旅返來了...

好倦. 昨晚十點先返到屋企. 之後執下野執下相執下dvd搞到4點幾先訓...

明明覺得唔係買左好多野, 但搞搞下原來可以鋪滿一張雙人床...

原來唔經唔覺已經兩個星期冇寫blog. 唔好話寫, 其實過去兩個星期我連上都冇咩點上個blog.

世界杯開鑼. 原本以為自己冇有線, 又對足球唔係十分狂熱, 應該對我唔係好大影響. 點知原來上網睇好順暢, 再加上係同d男同事既話題, 結果自己越睇越多, 仲有賭波. 不過賭來賭去都係十蚊十蚊, 起初既100蚊到依家都仲係100蚊左右...

本身都係關注NBA Finals 多d. 所以在睇世界杯既同時, 我仲要睇埋NBA Finals, 仲未猝死已經係奇蹟.

不過NBA Finals 過去了. Dallas vs Miami. 雖然Dallas先贏2:0, 但最後Heats在Game 6 4:2反勝小牛. 雖然我唔係十分鍾意Heats, 但係不得不提D-Wade, 真係一個很好既球員. 好強好強既Offense, 好強既balance, 好柔既出手. 如果佢既defense可以打得好d, 更加係無懈可擊. MVP真係實至名歸. 雖然好可惜, Game 5唔係球證無喇喇吹左Howard個20sec timeoff, 可能小牛未必會輸3:2. 不過一切已成定局. 我好唔鍾意既Gary Payton同曾經係我最愛既中鋒Alonzo Mourning終於都一嚐冠軍滋味.

依家等緊睇荷蘭對argentina. 聽朝仲要繼續出去已經係第3日既九龍區長征... 第一日已經由油塘行去鯉魚門, 再去觀塘->牛頭角->九龍灣->彩虹->鑽石山->黃大仙->新蒲崗, 第二日去左樂富->九龍城->紅磡. 聽日預計要行何文田->九龍塘->太子->旺角->油麻地->佐敦->尖沙咀再去大角咀->深水步->長沙灣->荔枝角->美孚... 有咩可能!!!!!!